حمد باری تعالیٰ

حمد باری تعالیٰ

Hamd

شروع الله کے نام سے جو بڑا مہربان نہایت رحم والا ہے

دیتا ہے حق تجھ کو صدا ، اے غافل اب ہوش میں آ
لب پہ رب کا نام سجا ، غیراللہ کا نقش مٹا
لا الہٰ الا اللہ لا الہٰ الا اللہ

ذات و صفات کا ذکر کریں ، نفی اثبات کا ذکر کریں
اسمِ ذات کا ذکر کریں ،اس سے ملے گی دل کو جزا
لا الہٰ الا اللہ لا الہٰ الا اللہ

اپنے رب کا شکر کریں ، آﺅ مل کر ذکر کریں
راہِ نجات کا فکر کریں ، ذکر کریں یہ صبح و شام
لا الہٰ الا اللہ لا الہٰ الا اللہ

اس کی محبت میں رو کر ، بیج محبت کے بو کر
حق کی یادوں میں کھو کر ، نقش دوئی کا دل سے مٹا
لا الہٰ الا اللہ لا الہٰ الا اللہ

شاد دل ناشاد کریں ، اپنے رب کو یاد کریں
دل کا نگر آباد کریں ، دل پہ عیاں ہو راز بقا
لا الہٰ الا اللہ لا الہٰ الا اللہ

قرب خدا کا حاصل ہوگا ، ذکر سے روشن دل کا ہوگا
جذب میں جب کامل ہوگا ، دکھوں کی ہے یہ دوا
لا الہٰ الا اللہ لا الہٰ الا اللہ

بن جائے گا توُ بھی ولی ، لب پہ سجا لے ذکرِ جلی
دل میں بسا لے ذکر خفی ، کعبہ حجرہ جاں کو بنا
لا الہٰ الا اللہ لا الہٰ الا اللہ

مست بہاروں میں توُ ہے ، چاند ستاروں میں توُ ہے
سب گلزاروں میں توُ ہے ، سب چیزوں میں نورِ خدا
لا الہٰ الا اللہ لا الہٰ الا اللہ

مشہدئے بے دل کی سن ، اربابِ محفل کی سن
ہر ذاکر شاغل کی سن ، سن لے سب کے دل کی صدا
لا الہٰ الا اللہ لا الہٰ الا اللہ

بحوالہ

رحمت کا سمندر

محمد عرفان ثاقب قادری 

Leave a Reply

Your email address will not be published. Required fields are marked *